လက်ကျန်ဆန္ဒ

နေညိုလို့

ပြန်ရမယ်ဆိုရင်တောင်မှ
မရောက်နိုင်သေးတဲ့
အနာဂါတ်နဲ့ပဲ
ပစ္စုပ္ပန်ကို ငါ..နှုတ်ဆက်တယ်။


ကိုယ်ပိုင် မြေယာမရှိလည်း ကိစ္စမရှိ
နောက်ဆုံး…
ခြောက်ပေကျင်းတော့ ငါမျော်လင့်ခွင့် ရှိတယ်
အမိမြေရေ ငါ့ကိုအိပ်စက်ခွင့်ပြုပါနော်...။


လိုင်းကားတိုးစီးနေရလို့လည်း ကိစ္စမရှိ
နောက်ဆုံး…
သူလိုကိုယ်လို ချောင်ချောင်ချိချိ အိပ်စက်စီးသွားခွင့် ရအုံးမယ်
ကံကြမ္မာရေ ငါကို မလုပ်ကြံပါနဲ့နော်...။


ကြင်နာမယ့်လူ တယောက်မရှိလည်း ကိစ္စမရှိ
နောက်ဆုံး…
ငါ့ကို သိုင်းသိုင်းဝိုင်းဝိုင်း လိုက်ပို့နိုင်ပါသေးတယ်
သံဝေဂရေ သူတို့ကို နဲနဲ ညှာပါနော်...။




ဆူညံညံ သွေးပျက်
ရုန်းရင်းဆန်ခတ်နဲ့ ခြေဦးတည့်ရာလှည့်ထွက်
လုစုကွဲသွားလဲ ကိစ္စမရှိ
နောက်ဆုံး…
အားလုံးနဲ့အတူ တိတ်ဆိတ်သံစဉ်တွေ နားဆင်ကြရအုံးမယ်
ဖိနပ်လေးရေ စောင့်နေခဲ့
နင့်ဖူးစာ ငါရှာလာခဲ့မယ်နော်...။ ။